Kwento ng Aming Pag-ibig

Ang Unang Nota ng Tadhana: Kwento ng Aming Pag-ibig

Si Sarah, kasama ang kanyang mga kapatid sa musika at kapwa sundalo, ay naging viral dahil sa kanilang mga video online na umani ng maraming viewers at followers.
Sa bawat pagtapak nila sa entablado, hindi lamang basta nakikinig ang madla sila ay naaantig at nabibighani sa husay ng mga sundalong nagpe-perform.
At sa libo libong,humahanga, nandoon si Lester. Tahimik na nanonood, tahimik na humahanga, at tahimik na naghihintay.
Ngunit sa likod ng mga ilaw at palakpak, may isang pusong may dinadalang sakit.
Ang boses ni Sarah ay puno ng damdamin, pero ang kanyang puso ay nakakapit pa sa isang pag-ibig mula sa nakaraan.
Hindi pa siya handang magbukas muli, kahit na ang pangalan ni Lester ay paminsan-minsan nang lumilitaw sa kanyang Messenger madalas ay hindi napapansin at natatabunan ng ingay ng mundo.

Pero may isang bagay na hindi nagbago kay Lester ang kanyang pananampalataya.
Habang si Sarah ay patuloy na nagbibigay ng inspirasyon sa entablado kasama  ng 602 LIBERATOR BAND si Lester naman ay tahimik na nagdarasal para sa kanya. Habang ang puso ni Sarah ay nasasaktan, pinili ni Lester na umasa.
At habang hindi pa handa ang babaeng kanyang hinahangaan, naghintay siya nang may pasensya, paninindigan, at dangal. Hindi siya nagpumilit; sa halip, ipinagkatiwala niya ang lahat sa perpektong timing ng Diyos.

Tuwing nagbabahagi si Sarah ng kanyang mga pinagdaraanan sa mga notes, stories nandoon si Lester hindi para humingi ng atensyon, kundi para magpadala ng mga Bible verses na nagbibigay ng pag-asa at kapayapaan.
Sa likod ng bawat unread message ay isang dasal na hindi tumitigil.

Dumating ang Bagong Taon, 2026.
Habang ang mundo ay nagsisimula ng panibagong kabanata, si Sarah ay unti-unti na ring natututong maghilom.

At sa pinakasimpleng paraan sa pag post ni Lester  ng prutas na durian  kumilos ang tadhana.
Nag respond si Sarah sa post, humingi at nagtanong ng location nya para kunin ang nasabing prutas, ngunit nag insist si  Lester na siya na mismo ang mag-deliver nito sa kanilang tahanan.

At nang dumating siya, hindi lang prutas ang kanyang dala.
Dala niya ang bunga ng kanyang mahabang paghihintay at ang lalim ng kanyang pananalig. Pumunta siya hindi bilang isang tagahanga lang, kundi bilang isang lalaking handang humarap sa pamilya ni Sarah at humingi ng basbas sa pinaka-tradisyunal at tapat na paraan.

Doon na-realize ni Sarah na ang pagmamahal na kanyang hinihintay ay matagal na palang nagdarasal para sa kanya.
Mula sa mga hindi pinapansing mensahe hanggang sa isang simpleng durian delivery, naging kwento ito ng pag-ibig na isinulat ng Diyos.

Ngayon, ang sundalong nagbibigay ng himig sa marami ay lalakad  patungo sa lalaking matiyagang naghintay sa kanya, isang lalaking may pananampalataya, may dangal, at tapat hanggang sa dulo.
Dahil ang tunay na pag-ibig ay hindi kailangang maging maingay; ito ay makikita sa tahimik na presensya at sa pusong marunong maghintay.